Cyhoeddiadau o swyddi newydd 

Cyhoeddwyd ar ddydd Sul 13 Awst bod y Parchg Steve Leyland yn gadael Ardal Weinidogaeth Bro Cyngar yn Archddiaconiaeth Môn ac yn symud i fod yn Offeiriad ar y cyd yn Ardal Weinidogaeth Bro Arwystli yn Archddiaconiaeth Meirionnydd.

Cyhoeddwyd hefyd ar ddydd Sul 13 Awst bod y Parchg Eryl Parry wedi’i benodi’n Offeiriad ar y cyd yn Ardal Weinidogaeth Bro Gwydyr yn Archddiaconiaeth Bangor.

Bydd rhagor o fanylion am wasanaethau sefydlu a thrwyddedu yn cael eu rhannu yn yr wythnosau nesaf.

Fforwm newydd ar gyfer archwilio galwedigaeth

Pwrpas y fforwm yw dod ag unigolion ynghyd o bob rhan o esgobaethau Bangor a Llanelwy sy’n dymuno archwilio sut y gallai Duw fod yn eu galw a chreu gofod ar gyfer cydgefnogaeth ac anogaeth wrth i ni ddirnad gyda’n gilydd.

Cynhelir y digwyddiad cyntaf ar 31 Awst am 7.00pm gyda Canon Trystan Owain Hughes, Cyfarwyddwr Taleithiol Datblygu Weinidogaeth yn siarad.

I ymuno â’r digwyddiad, sy’n cael ei gynnal ar Zoom, defnyddiwch y manylion isod:

https://us05web.zoom.us/j/6103455175?pwd=OaIbuIrtlJeM2NKSk9n7CaalC92amo.1

ID y cyfarfod: 610 345 5175 | Cod pas: VocF1

Gweddïau Padrig

Wedi’i ysgrifennu gan y Parchg Janet Fletcher ar gyfer Ardal Weinidogaeth Bro Padrig, a’i argraffu gyda chymorth grant o gronfa leol, mae llyfr dwyieithog newydd wedi’i ddarlunio â lluniau lliw o Eglwys Llanbadrig a’i lleoliad ar ben y clogwyn, ac yn cyflwyno gweddïau a myfyrdodau wedi'i ysbrydoli gan stori Sant Padrig. Mae ar gael o Eglwys Llanbadrig, Oriel Cemaes a’r Parchg Naomi Starkey.

Mae'r llyfr yn costio £5 ynghyd â chostau postio.

Penwythnos Celf a Chrefft

Dros benwythnos gŵyl banc mis Awst (26-28 Awst) mae Eglwys Santes Gwenfaen, Rhoscolyn ym Mro Cybi yn cynnal penwythnos celf a chrefft.
Mae’n cael ei chynnal yn Neuadd Rhoscolyn o 10.30am - 5.30pm ac mae mynediad am ddim. Bydd gan 20 o artistiaid a chrefftwyr lleol stondinau yn gwerthu eu gwaith.

Mae arian yn cael ei godi ar gyfer adfer ffenestri lliw yn Eglwys Santes Gwenfaen ac i gefnogi Banc Bwyd Ynys Môn. Mae’r digwyddiad tridiau hwn yn cynnig cyfle gwych i bawb brynu eitemau unigryw wedi’u creu gan artistiaid a chrefftwyr lleol.

Wythnos Feiblaidd Llŷn

Mae’r Wythnos Feiblaidd Llŷn yn rhedeg ym mis Awst o Nos Lun 28 hyd Nos Iau 31 am 7.30pm gyda'r thema 'Yr Efengyl a'r diwylliant Cyfoes'. Trwy edrych ar ddarnau yn llyfr yr Actau bydd y siaradwr, Tony Watkins, yn ystyried sut y mae’r efengyl yn berthnasol i ddiwylliant heddiw.

Cliciwch ar y botwm isod am ragor o wybodaeth.

Archwilio cyfanrwydd ac iachâd

Dydd Sadwrn 9 Medi
10.00am - 4.30pm yn Eglwys Gadeiriol Llanelwy

Mae tocynnau am ddim bellach ar gael i’w harchebu trwy Eventbrite ar gyfer y digwyddiad hwn a drefnwyd gan Grŵp Ysbrydolrwydd Esgobaeth Llanelwy. Mae’n gyfle i ddarganfod mwy am y weinidogaeth iacháu, i elwa ohoni ar y diwrnod, ac i gael eich annog i’w hymarfer. Mae gan weinidogaeth iachâd bryder llawer ehangach nag adferiad unigolyn o salwch corfforol - mae'n cynnwys iechyd meddwl, iechyd ysbrydol, ac iachâd cymunedau.

Gallwch ddarganfod mwy a chadw eich lle gan ddefnyddio'r botwm isod.

Gŵyl Flodau ym Mhenrhyndeudraeth

Rhwng dydd Llun 21 Awst a dydd Llun 28 Awst mae gŵyl flodau yn Eglwys y Drindod Sanctaidd ym Mhenrhyndeudraeth.
Bydd yr eglwys ar agor o 10.00am nes 4.00pm gydag arddangosfeydd blodau gan eglwysi Ardal Weinidogaeth Bro Moelwyn a mudiadau lleol.