Oddi wrth ein Hesgob Cynorthwyol Mary

Mae hi wedi bod yn wythnos gythryblus o fewn y byd gwleidyddiaeth, mae’r cynnwrf dramatig yn y llywodraeth a arweiniodd at ymddiswyddiad Boris Johnson wedi arwain at lawer o drafod am y math o arweinyddiaeth a safonau sydd eu hangen arnom mewn bywyd cyhoeddus, a’r hyn y dylem ei ddisgwyl gan y rhai sydd mewn swyddi o gyfrifoldeb. Mae’r cystadlaethau a’r brwydro am rolau uwch yn annog dyfalu am gymhellion a gwerthoedd darpar ymgeiswyr arweinyddiaeth. Mae’n hawdd ceisio dyfalu beth sy’n gyrru pobl eraill, ond yn fwy heriol yw i edrych arnom ni ein hunain, ein gwerthoedd ein hunain a’r ffyrdd yr ydym yn rhyngweithio ag eraill ac yn eu trin. I ni fel Cristnogion mae yna alwad arbennig i geisio modelu ymddygiad tebyg i Grist fel unigolion ac fel cymunedau eglwysig. Wrth i mi ddysgu mwy am y weinidogaeth mewn rôl newydd, mae cyfarfod â'r rhai sy'n canolbwyntio ar eu datblygiad Cristnogol yn galonogol iawn. Gwelaf hyn yn digwydd mewn sawl ffordd ar draws ein hesgobaeth; gyda rhywfaint o ddysgu mewn grwpiau anogaeth, eraill yn cymryd rhan mewn astudiaethau Beiblaidd, yn rhannu amseroedd rheolaidd o weddïo wythnosol neu drwy baratoi ar gyfer conffyrmasiwn neu weinidogaeth.

Dduw ffyddlon, yr hwn yr ydym yn byw ac yn symud ac yn cael ein bod, cymer o'n calonnau a'n meddyliau bopeth sy'n rhwystro ein haddoliad a'n gwasanaeth. Bydded i’n geiriau a’n gweithredoedd, ein cwestiynau, a’n gwrando ar yr ysgrythur adeiladu ein ffydd a’n hymrwymiad i wasanaethu ein cymdogion a charu’r byd. Bydded i'n calonnau bob amser gael eu cyfeirio atoch a'n bywydau gyhoeddi eich mawl. Yn enw Iesu ein gobaith. Amen

Cydymaith sy’n Gwrando – Cyfarwyddid Ysbrydol

Mae amser yn cael rhywun yn gwrando arnoch yn amser wedi'i dreulio’n dda.Byddwn yn derbyn gwrandawiad diamod rydym yn gallu darganfod mwy amdanom ni ein hunain, am fywyd ac am Dduw.Mae cydymaith sy’n gwrando ar y daith ffydd ar gyfer unrhyw un o unrhyw oed.

Pan fyddwn yn defnyddio’r gair ‘cyfarwyddid’, byddwn yn ei ddefnyddio i olygu arwain sgwrs ar gyflymder y rhai rydym yn gwrando arnyn nhw. Gallwn gynnig awgrymiadau, ond ni fyddwn yn rhoi cyngor, yn dweud wrthych beth i’w wneud na sut i ddatrys problem. Byddwn yn gwrando, ac yn eich helpu i ddarganfod a dirnad eich atebion eich hunain.

Cewch ddod â beth bynnag yr hoffwch i mewn i’r sgwrs a bydd y cyfarwyddwyr ysbrydol yn gwneud eu gorau i alluogi dyfnhau’r sgwrs a fydd yn cymryd lle, a chyda Duw.

• Hoffech chi archwilio ffydd a gweddi?
• Ydych chi’n chwilio am rywfaint o ddealltwriaeth o’ch bywyd neu'n synhwyro galwad oddi wrth Dduw?
• Hoffech chi ddarganfod ffyrdd newydd neu wahanol o gyfarfod gyda Duw mewn gweddi?

Os felly, yna efallai, mai’r cydymaith sy’n gwrando mewn cyfarwyddid ysbrydol fydd y cychwyn o ganfod, o ddyfnhau, eich taith unigol chi’ch hunain trwy fywyd a ffydd.

Mae pob un sy’n cynnig clust sy’n gwrando fel cyfarwyddwyr ysbrydol wedi derbyn hyfforddiant cychwynnol a hefyd yn mynychu dyddiau hyfforddi a goruchwyliaeth parhaus. Maen nhw’n cynnig eu hamser am ddim yn y weinidogaeth hon.

I ddarganfod rhagor am gyfarwyddid ysbrydol a beth mae’n ei gynnwys, a hefyd sut i ganfod cyfarwyddwr ysbrydol, cysylltwch â mi am sgwrs.

Parch Janet Fletcher, Swyddog Ysbrydolrwydd a Gweinidogaeth yr Esgobaeth: trwy e-bost: janetfletcher@eglwysyngnghymru.org.uk neu dros y ffôn: 01492 874947

Gweddi dros Gyfarwyddid Ysbrydol

Boed i Dduw, rwy’n gweddïo,
fod gyda’r cydymaith sy’n gwrando;
gyda’r un sy’n chwilio am wrandawiad;
a boed i’r amser gyda’i gilydd
datgelu dy Bresenoldeb yn ein mysg
er mwyn i ni gael ein hadfywio a’n hadnewyddu.
Yn enw Iesu.
Amen.

Dros yr wythnosau nesaf byddwn yn gweddïo dros:

17 Gorffennaf
Bro Tysilio

24 Gorffennaf
Pwyllgor Eiddo yr Esgobaeth

31 Gorffennaf
Bro Eifionydd

7 Awst
Undeb y Mamau

14 Awst
Bro Dwylan

21 Awst
Tîm Deiniol

28 Awst
Ysgolion