Oddi wrth ein Hesgob Cynorthwyol Mary

Ymateb mewn cyfnod o alar:

Ar hyd a lled yr esgobaeth mae clerigwyr a phobl yr eglwys wedi ymateb yn dilyn marwolaeth Ei Mawrhydi Brenhines Elisabeth II trwy agor eglwysi ar gyfer gweddïau a chynnau canhwyllau, darparu llyfrau cydymdeimlad a chynnal gwasanaethau arbennig. Mae bod yno, i bawb sy’n galaru, wrth wraidd ein cenhadaeth a’n gweinidogaeth. Diolch i bawb sydd wedi mynd yr ail filltir i helpu ein heglwys i ymateb yn ofalus.

Galwad i weithredu:

Efallai eich bod wedi clywed bod cyfarfod y Corff Llywodraethol yng Nghasnewydd wedi’i gwtogi gan y newyddion am salwch y Frenhines y penwythnos diwethaf. Cyn inni glywed y newyddion trist hwnnw, roedd Archesgob Andrew wedi traddodi galwad ysgogol i’r eglwys gyfan i roi ein ffydd ar waith mewn ffordd feiddgar. Ymhlith y pryderon a amlygwyd ganddo, tynnodd sylw at faterion yn ymwneud â thlodi bwyd a thanwydd. Bydd cyfleoedd gydol y flwyddyn i’n Heglwys gyfan gymryd rhan mewn dangos gwasanaeth cariadus. Yn yr Adfent sydd i ddod byddwn yn cael ein gwahodd i ganolbwyntio ac adeiladu ar y gwaith da sydd eisoes yn cael ei wneud i roi a dosbarthu bwyd i'r rhai yn ein cymunedau sydd angen cymorth. Gofynnir i bob cynulleidfa wneud cyfraniad a bydd mwy o fanylion am hyn yn dilyn. Wrth i ni agosáu at amser y cynhaeaf bydd yn dda darganfod pa fanciau bwyd neu brosiectau bwyd sy’n lleol i’n Hardaloedd Gweinidogaeth a beth yw eu hanghenion penodol ar hyn o bryd.

Croesawyd araith yr Archesgob yn gynnes gan y Corff Llywodraethol a theimlai un o’n haelodau o Esgobaeth Bangor awydd i ysgrifennu am y cyfarfod:

Ysgrifenna Carrie White, o Fro Gwydyr:

Cyfarfu Corff Llywodraethol yr Eglwys yng Nghymru yng Nghasnewydd ddydd Mercher a dydd Iau diwethaf. Mae'r Corff Llywodraethol yn cyfarfod bob chwe mis i drafod sawl agwedd o fywyd yr eglwys a hefyd i gymeradwyo'n ffurfiol adroddiadau gan wahanol bwyllgorau a chyrff eraill.

Roedd busnes dydd Mercher yn cynnwys Anerchiad Llywyddol ysbrydoledig gan yr Archesgob, gan gynnwys sylwadau o Gynhadledd Lambeth; Sesiwn Holi lle gall unrhyw aelod o'r Corff Llywodraethol godi cwestiwn; cyflwyniad hynod ddiddorol gan Esgobaeth Abertawe ac Aberhonddu ac un arall gan y Gronfa Efengylu yn manylu ar brosiectau sy'n denu oedolion ifanc i gymunedau eglwysig.

Dydd Iau gwelsom ni i gyd yn torri’n grwpiau i gynnal trafodaethau bywiog a gwerthfawr iawn ar gynlluniau’r Eglwys yng Nghymru ar gyfer y dyfodol, gan sicrhau bod lleisiau a syniadau’n cael eu clywed o bob rhan o’r dalaith. Dilynwyd hyn gan dderbyn adroddiadau ffurfiol ar faterion cyfreithiol a llywodraethu, ynghyd â chyflwyniadau gan Gymdeithas y Beibl a’r Theatr Riding Lights.

Rhwng popeth, bu’n ddau ddiwrnod prysur iawn yn canolbwyntio ar waith ein heglwys a’r cyfleoedd a’r heriau sy’n ein hwynebu. Braf oedd cyfarfod cyd-addolwyr i ystyried yn weddigar sut i gerdded ymlaen fel disgyblion. (Os yw hyn yn swnio fel rhywbeth y byddai gennych ddiddordeb mewn ymuno ag ef, siaradwch â’ch Archddiacon a chadwch lygad am yr alwad flynyddol am wirfoddolwyr!)

Cyfleoedd Hyfforddi:

Nodyn atgoffa gan y Parchg Chris Burr o Athrofa Padarn Sant:

Wrth i ni ddychwelyd hoffwn gymryd ennyd i’ch atgoffa am sawl rhaglen hyfforddiant am ddim sy’n rhedeg hyd at Rhagfyr ar gyfer clerigwyr ordeinedig a lleyg yn ogystal a rhaglenni i dimoedd bugeiliol.

Diolch i'r rheini sydd wedi archebu lle ar gwrs eisioes. I'r rhai sydd heb, ond yn bwriadu mae modd gwneud hynny, mi ddowch o hyd I’r cyrsiau a sut i’w harchebu ar wefan Athrofa Padarn Sant.

Rwy'n gobeithio y byddwch yn dod o hyd i gwrs yr ydych yn ystyried archebu lle. Bydd isafswm ac uchafswm yn berthnasol, felly archebwch eich lle nawr i sicrhau bod y rhaglen lawn yn rhedeg.

Bydd manylion rhaglen y gaeaf yn cael eu danfon maes o law. Fel arfer, os oes gennych unrhyw bryderon neu ymholiadau, cysylltwch â mi neu ag un o'r Tîm DPW ar naill ai cmdadmin@stpadarns.ac.uk neu 029 2056 3379.

Llongyfarchiadau i’r Parchg Hugh Jones:

Llongyfarchiadau calonnog i’r Parchg Hugh Jones a drwyddedwyd yn Offeiriad Cyswllt ym Mro Tysilio y Sul diwethaf. Mae Hugh eisoes wedi gwasanaethu’n ffyddlon yn yr Ardal Weinidogaethol fel curad. Bu ei drwyddedu yn achlysur llawen ac edrychwn ymlaen at ddathlu hyn yn llawnach maes o law.

Mewn tywyllwch a golau,
mewn trallod a llawenydd,
cynorthwya ni, Dduw byth-fywiol, i ymddiried yn dy gariad,
i wasanaethu dy fwriad, ac i foliannu dy enw;
trwy Iesu Grist ein Gobaith. Amen.

Dyddiadur

18 Medi
Gwasanaeth Coffa'r Sir a'r Esgobaeth
Cadeirlan Deiniol Sant ym Mangor
4.30pm
Rhagor o fanylion a thocynnau

26 Medi
Cynhadledd yr Esgobaeth ar Zoom

1 Hydref
Cynhadledd yr Esgobaeth
Cadeirlan Deiniol Sant ym Mangor

Bydd rhagor o wybodaeth am y digwyddiadau yma yn cael ei rannu yn fuan

2 Hydref
Lawnsiad Prosiect Llenyddol Llwybr Cadfan
Eglwys Tanwg Sant, Llandanwg
6pm
Rhagor o wybodaeth

3 Hydref
Gweithdy Ysgrifennu Creadigol
Rhagor o fanylion

6 Hydref
Cynhadledd Llan
Galeri
10am - 4pm
Gweler isod am ragor o fanylion

Diwrnod Cynhadledd Eglwysi Pererin

Fel rhan o brosiect Llan, mae Skellon Studio wedi cwblhau eu Hadroddiad Cysyniad yn ddiweddar sy’n cyflwyno eu cynigion ar gyfer dehongli yn y chwe eglwys pererin. Bydd tîm Skellon Studio yn cyflwyno’r cynigion hyn mewn diwrnod cynhadledd yn Galeri, Caernarfon ar 6 Hydref.

Mae’r Adroddiad Cysyniad yn ddarn cyffrous o waith sy’n archwilio’r fethodoleg o siapio gofodau ein heglwysi fel mannau darganfod a chyfarfyddiad, ynghyd â chyflwyno cynigion ar gyfer dehongliad creadigol o’r chwe eglwys a ysbrydolwyd gan yr adeiladau, y seintiau a’r themâu diwinyddol sydd ynghlwm wrthynt. i bob eglwys.

Mae gwahoddiad agored i unrhyw un o’r Esgobaeth a hoffai fynychu. Cofrestrwch ar y wefan gan ddefnyddio'r botwm isod.

Noson yng Nghwmni Côr Bara Brith

Estynnir gwahoddiad i gyngerdd gan Côr Bara Brith yn Eglwys Mihangel Sant, Y Fali ar nos Wener Hydref 7 am 7.30pm
Gellir prynu tocynnau am £7 trwy gysylltu â Bill (01407 740039) neu Carol (01407 740646)