Oddi wrth ein Hesgob Cynorthwyol

Mae'r trefniadau ar gyfer angladd y Parchg Pam Odam, yn unol â’i dymuniad, yn cynnwys gwasanaeth ar 4 Tachwedd am ganol dydd yn Eglwys Tanwg Sant, Llandanwg ac yna claddedigaeth ym Mynwent Eglwys Llanbedr. Mae'r eglwys hynafol a hardd hon, yr oedd Pam mor hoff ohoni, yn fach iawn. Bydd darparu ar gyfer ei theulu agos a'r rhai sy'n gweinyddu yn ogystal â ffrindiau a chymdogion yn dipyn o her. Os ydych yn bwriadu dod, plîs gwisgwch yn gynnes a byddwch yn ymwybodol ei bod yn debygol y bydd yn rhaid i rai sefyll y tu allan i'r eglwys yn ystod y gwasanaeth.

Os nad ydych yn gallu mynychu gwasanaeth angladd Pam, bydd cyfle i’w chofio yng ngoffâd Holl Eneidiau am 6.00 ar 2 Tachwedd yng Nghadeirlan Sant Deiniol ym Mangor. Dyma fydd requiem gorawl Ewcharist gan cynnwys trefniant cerddorfaol o Requiem John Rutter. Bydd yr Ewcharist yn cael ei gynnig ar gyfer yr holl ffyddloniaid ymadawedig, ond bydd unigolion yn cael eu cofio wrth eu henwau yn ystod yr ymbiliau. Mae rhestr enwau yng nghefn yr Cadeirlan ar gyfer y rhain neu gallwch e-bostio Swyddfa’r Gadeirlan drwy bangorcatheral@churchinwales.org.uk

Cynrychiolydd Masnach Deg: Mae angen cynrychiolydd Masnach Deg Taleithiol ar ein hesgobaeth i hyrwyddo mentrau Masnach Deg o fewn a thu hwnt i’n Archddianconiaethau a’n Hesgobaeth. Os oes gennych ddiddordeb mewn helpu i gadw’r maes pwysig hwn o waith ar agenda pawb, cysylltwch â mi drwy e-bost i assistantbishop.bangor@churchinwales.org.uk

Heriau’r Archesgob – Mae Archesgob Andrew wedi lansio Ymgyrch Bwyd a Thanwydd newydd yr Eglwys yng Nghymru i fynd i’r afael ag effaith ddinistriol yr argyfwng costau byw, sy’n effeithio ar gymunedau ledled Cymru. Edrychwch ar yr adnoddau ar wefan yr Eglwys yng Nghymru.

Mae cylchlythyr rheolaidd y gallwch gofrestru amdano, llythyr agored i archfarchnadoedd ei lofnodi, adnoddau, straeon ysbrydoledig a gweddïau a syniadau addoli.

Cofiwch hefyd roi gwybod i ni am eich blychau Nadolig y gofynnir i bob cynulleidfa baratoi ar eu cyfer dosbarthiad lleol dros gyfnod y Nadolig. Gwahoddir ni i baratoi bocsys o bethau ymolchi fel anrhegion i bobl yn ein cymunedau a fydd yn gwerthfawrogi’r rhain yn ystod y cyfnod anodd hwn.

Yn olaf, diolch yn fawr iawn i bawb sy'n gweithio mor galed yn ein heglwysi ar draws yr esgobaeth. Yr wythnos ddiwethaf hon rydym wedi cynnal cyfarfodydd Cronfa Gweinidogaeth Esgob lle buom yn ymwybodol o waith caled a gofalus ein trysoryddion niferus, a hefyd haelioni ac ymroddiad rhoddwyr ffyddlon, codwyr arian cydwybodol a’r rhai sy’n gweddïo ac yn cefnogi ein gwaith o genhadaeth a gweinidogaeth.

Dduw ein gobaith cryf, amgylchyna ni ar adegau o her ac anhawster. Helpa ni i adnabod y rhoddion rwyt ti’n eu rhoi i ni ac i ddefnyddio’r rhain yn dda. Gwna ni yn obeithiol, yn llawen ac yn awyddus i wneud dy ewyllys, fel y daw mwy i ymddiried yn dy ddaioni a’th drugaredd ac i adnabod cariad a thangnefedd achubol Crist. Amen.

Dyddiadur

5 Tachwedd
12pm
Cadfan ar y Cledrau
Ceir rhagor o fanylion isod

1-2 Rhagfyr
Grŵp Cadfan
Mae Grŵp Cadfan yn gyfle i holl glerigion trwyddedig yr esgobaeth ddod ynghyd i addoli, i fyfyrio, i weddïo, i ddysgu ac i dreulio amser gyda’i gilydd. Bydd cydweithwyr taleithiol yn ymuno â'r cyfarfod i drafod Diogelu a 'My Church People'.

Cadfan ar y cledrau

Teithiwch ar reilffordd Ucheldir Cymru gan wrando ar farddoniaeth a cherddoriaeth Gymraeg gan Sian Northey, Siôn Aled, Gwyneth Glyn a Twm Morus fydd wedi’u hysbrydoli gan bererindod ar hyd y Llwybr Cadfan.

Dydd Sadwrn 5 Tachwedd am 12pm

Trên o Borthmadog i Feddgelert gyda seibiant byr ym Meddgelert Diod a lluniaeth ysgafn.

Tocynnau ar gael o https://www.eventbrite.co.uk/e/441571431037

Darlith am weddi

Ar nos Lun 7 Tachwedd bydd cyn Archesgob Caergaint, Yr Arglwydd Williams o Oystermouth, yn siarad yng Nghadeirlan Llanelwy ar weddi. Mae'r ddarlith yn rhad ac am ddim ond mae'n angenrheidiol i archebu tocyn.

Caplan i'r Clerigion Ymddeoledig

Meddai’r Parchg Ganon David Morris, Cyfarwyddwr y Weinidogaeth:
Rwyf wrth fy modd gyda phenodiad y Parchg Peter Kaye yn gaplan i’n clerigion sydd wedi ymddeol. Bydd yn chwarae rhan annatod wrth ddarparu gofal bugeiliol ac ysbrydol i glerigion sydd wedi ymddeol, yn ogystal ag annog cynulliadau cymdeithasol a bod yn sianel gyfathrebu allweddol. Bydd Peter yn dod â brwdfrydedd a chyfoeth o brofiad i’r weinidogaeth newydd a phwysig hon yn yr esgobaeth.

Gwasanaethodd y Parchg Peter Kaye ei deitl yn Llundain o 1972, yna symudodd i Birmingham fel caplan ysbyty seiciatrig mawr. Roedd ei waith yn cynnwys cwnsela a pheth seicotherapi ac yn ddiweddarach ailhyfforddodd mewn gwaith cymdeithasol a gweithio am nifer o flynyddoedd fel swyddog prawf. Gan gynorthwyo gyda gweinidogaeth y plwyf, daeth yn ddiweddarach yn offeiriad plwyf Eglwys y Dyrchafael yn Stirchley, lle ymddeolodd yn 2012, gan symud i'w tŷ ym Mhorthmadog. Mae’n briod â Patricia, ac yn gwasanaethu yn Nhîm Gweinidogaeth Bro Eifionydd, ac fel Caplan Cadeirlan. Mae Peter hefyd yn Gyfarwyddwr Ysbrydol.