Oddi wrth ein Hesgob Cynorthwyol

Yn y tywydd oer yr wythnos hon mae anghenion a phwysau'r cyfnod economaidd a gwleidyddol anodd hwn wedi bod yn fwy amlwg yma yn y Deyrnas Unedig.

With weithio yn Nhŷ Deiniol, lle mae banc bwyd y Gadeirlan wedi’i leoli, mae wedi bod yn sobreiddiol gweld pa mor brysur ydyw, a faint o bobl sy’n ceisio cymorth. Ond mae hefyd wedi bod yn wych gweld haelioni cymaint o wirfoddolwyr a phobl sydd wedi bod yn barod i roi eitemau i’r rhai sydd eu hangen. Diolch am eich rhoddion parhaus ar gyfer apêl "blwch Nadolig" yr Archesgob.

Pan gyfarfûm â merched o bob rhan o’r Cymun Anglicanaidd ar alwad zoom yr wythnos hon, clywais stori debyg iawn o bob rhan o’r byd o galedi yn cwrdd â gobaith Cristnogol. O Bacistan roedden ni’n clywed am sut mae’r gaeaf wedi dod yn gynnar yno i lefydd sydd eisoes wedi’u difrodi gan lifogydd gan ddod â dioddefaint pellach i lawer o gymunedau. Clywsom hefyd sut mae eglwysi’n adnabod bod cystadleuaeth galed ar gyfer y gyllid i barhau â’u gwaith o ddiwallu anghenion pobl drwy ddod â rhyddhad i’r rhai sydd wedi colli eu cartrefi a’u bywoliaeth.

O Jerwsalem clywais am brofiad anodd llawer o Balesteiniaid o dan y llywodraeth newydd Israel, a'r ofn y mae lladd pobl ifanc yn ddiweddar wedi'i achosi. Y flwyddyn nesaf fydd pen-blwydd Talaith Israel yn 75 oed a hefyd yr un cyfnod ag un o sefyllfaoedd ffoaduriaid hiraf y byd.

Roedd gan y rhai sy'n siarad o bob gwlad neges debyg: “Rydyn ni'n dal i gynnal gobaith, oherwydd mae ein ffydd yn rhoi hyn inni.”

Mae gallu cariad i ddiwallu ofn ac angen, ac i ddod â newid hyd yn oed trwy weithredoedd bach wrth galon ein gobaith Adfent. Wrth inni baratoi ar gyfer y Nadolig, gadewch inni gael ein calonogi gan bawb sy’n dangos gobaith i eraill.

Dduw'r Adfent, diolch iti am gwrdd â ni yn ein brwydrau a'n methiannau yn ogystal ag mewn llawenydd a dathlu. Dyro inni'r wybodaeth o'th faddeuant, â'th ysbryd creadigrwydd, a chyda gweledigaeth dy obaith. Boed i’n bywydau ni adrodd dy newyddion da a galluogi mwy o bobl i glywed am y cariad sy’n dod â bywyd a llawenydd i’r byd. Amen.

Dyddiadur

Ymgyrch Bwyd a Thanwydd

Bro Dwynwen

A ninnau ar drothwy'r Nadolig, a'r gaeaf ar ein gwarthaf mae'r Ysgrythyr yn tystio i

Dduw a garodd y byd gymaint nes iddo roi ei unig anedig fab.
Ioan 3:16

Fel rhan o'm Cenhadaeth gyfredol ym Mro Dwynwen, a'r argyfwng costau byw yn gwaethygu, penderfynnwyd yn unfrydol mai da o beth fyddai agor rhai o'n hadeiladau cymunedol er budd y Gymuned leol.

Mewn cydweithrediad a Chyngor Bro Cymuned Llanfair-pwll fe aethom ati i ddatblygu cynllyn 'Mannau Cynnes', sef mannau cymunedol wedi ei lleoli o fewn ein neuaddau, sef Neuadd Eglwys y Santes Fair yn Llanfairpwll a'r Hen Fecws yn Dwyran, - mannau sy'n cynnig 'cawl a lluniaeth , cwmniaeth a gweddi', - llefydd cynnes a braf i ni ddod at ein gilydd y gaeaf hwn heb unrhyw gost .

Y mae neuadd yr Eglwys Llanfair-pwll ar agor pob dydd Mercher rhwng 10.45am a 12.15pm a hefyd ar ail bnawn Iau y mis rhwng 2.00pm a 4.00pm.

Os hoffech unrhyw wybodaeth pellach ynglyn a Mannau Cynnes Bro Dwynwen, cysylltwch â'r Parchg Llew Moules-Jones, neu ymwelwch a'n Gwefan newydd sbon.

Bro Cyfeiliog a Mawddwy

Meddai'r Parchg Miriam Beecroft:

Roedd Cyngor Ardal Weinidogaeth Bro Cyfeiliog a Mawddwy eisiau cynnig rhywfaint o gefnogaeth ymarferol i'r gymuned yn ystod y gaeaf oer, drud hwn. O fis Ionawr, bydd tîm o wirfoddolwyr eglwysig yn cynnal gofod croeso cynnes ym Machynlleth, un bore bob wythnos. Rydym yn cydlynu gyda mannau cynnes eraill a gynigir yn y gymuned i wneud yn siŵr bod rhywle bob dydd i'n pobl leol fynd am gyfeillgarwch a chynhesrwydd. Byddwn yn cynnig lluniaeth sylfaenol o de a thost, a byddwn yn addasu gweithgareddau yn dibynnu ar bwy ddaw.

Bro Enlli

Christmas Giveaway

Cafwyd diwrnod llwyddiannus iawn gyda dro 60 o bobl yn derbyn pecynnau bwyd Nadolig yn ogystal â chyfle i helpu eu hunain i degannau a roddwyd gan blant Ysgol Cymerau yn eu cyngerdd Nadolig a gynhaliwyd yn Eglwys St Pedr. Roedd dillad a nwyddau ymolchi a phecynnau babannod ar gael hefyd.

Gweddïau Bwyd a Thanwydd

Mae Archesgob Cymru yn galw am weddïau ar gyfer y rhai sydd wedi’u heffeithio gan yr argyfwng costau byw. Fel rhan o’r ymgyrch Bwyd a Thanwydd, mae’r Archesgob wedi lansio llyfryn gweddi sy’n cynnwys gweddïau o bob esgobaeth yr Eglwys yng Nghymru. Mae’r llyfryn ar gael i’w lawr lwytho drwy glicio ar y botwm isod.

Carol ar yr A55

Drama radio ar gyfer y Nadolig

Ar ôl cyfnodau clo'r pandemig Cofid, dechreodd Bro Seiriol Teithiau Cerdded Eglwys Agored o amgylch yr Ardal Weinidogaeth unwaith y mis. Mae’r teithiau cerdded yn cynnig cyfle i addoli'n anffurfiol yn yr awyr agored, gan rannu myfyrdodau syml, yn ogystal â chael sgyrsiau gyda cyd-gerddwyr ar y ffordd.

O ganlyniad i un o'r sgyrsiau hyn fe wnaethon nhw ddarganfod mai dramodydd cudd oedd un o'n grŵp, sef Gareth Phillips!

Meddai'r Parch Ganon Robert Townsend, Arweinydd Ardal Weinidogaeth Bro Seiriol,

Y Nadolig hwn rydym wedi gallu recordio drama Saesneg Gareth yn broffesiynol, ac enw’r ddama yw A Carol ar yr A55. Mae’r ddrama radio fer (20 munud) yn stori dyner, sy'n procio'r meddwl, lle mae'r gorffennol yn cyfarfod â'r presennol. Mae myfyrwyr, John a Mair, yn dod i ddealltwriaeth newydd ohonynt eu hunain ac ystyr y Nadolig a phwysigrwydd y eiliad bresennol, diolch i gyfarfyddiad annisgwyl ar y ffordd i Gaergybi un Noswyl Nadolig. Gewch glywed y ddrama am y tro cyntaf am 12.00pm yn Eglwys Biwmares ar 18 Rhagfyr yn dilyn y Gwasanaeth Carolau. Dewch i wrando tra bod gennych banad ar ôl y gwasanaeth.

Bydd y ddrama ar gael i'w glwyed ar wefan Bro Seiriol. Wedyn, plîs rhannwch y ddolen â ffrindiau a theulu er mwyn iddynt fwynhau’r ddrama hefyd.

Cynhyrchwyd y ddrama gan y Parch Allan Wilcox o Fro Eryri ac un o'r actorion yw’r Parch Steve Rollins o Fro Ystumanner.

Mae'r cerddoriaeth yn cynnwys darnau o siant unigryw Cadeirlan Bangor o’r 10fed ganrif In Civitate a chenir gan Joseph Harper, Côr Meibion Treorci yn canu Dawel Nos a Thôn y Gyrrwr a gomisiynwyd a chanwyd yn arbennig gan Ellen Davies.

Mae A Carol on the A55 yn Gynhyrchiad PYB