Cyflwynwyd y Groes Gymreig, croes gorymdeithio newydd a gyflwynwyd gan Ei Mawrhydi y Brenin Siarl fel anrheg canmlwyddiant i'r Eglwys yng Nghymru, yn swyddogol i'r Eglwys yr wythnos diwethaf.

Mae’r Groes, a arweiniodd orymdaith y Coroni yn Abaty Westminster ar 6 Mai, yn ymgorffori crair o’r Wir Groes, a roddodd y Pab Francis i’r Brenin i nodi’r Coroni.

Ar ôl ei dychwelyd i Gymru, caiff Croes Cymru ei harddangos i ddechrau yng Nghadeirlan Deiniol Sant, Bangor, sedd Archesgob Cymru ar hyn o bryd, cyn mynd ar daith o amgylch holl gadeirlannau Cymru gyda’r nod o roi cyfle i bawb ei gweld. Caiff ei defnydd yn y dyfodol ei rhannu rhwng yr Eglwys Anglicanaidd a’r Eglwys Gatholig yng Nghymru.

Dywedodd yr Archesgob Andrew, “Mae Croes Cymru yn symbol eciwmenaidd o arwyddocâd enfawr. Cafodd ei hysbrydoli gan wreiddiau cynharaf ein hanes Cristnogol, a gydag arysgrif Gymraeg o eiriau Dewi Sant, bydd y Groes yn ein hatgoffa i gyd am galon ei ffydd. Yn ogystal â rhoi ffocws o undod ar draws ein gwahanol draddodiadau, bydd hefyd yn arwydd parhaus o barch y Brenin at Gymru a’i hoffter ohoni.”

Darllenwch araith lawn yr Archesgob ar wefan Eglwys Cymru. Gwrandewch hefyd ar y cyfweliad a roddodd i UCB Radio.