Hoffai’r Parchg Eryl Parry wahodd aelodau Cynghorau Ardaloedd Gweinidogaeth ac eraill sy’n ymwneud ag arwain Ardaloedd Gweinidogaeth i ddysgu rhagor am Curiad Calon.

Mae’r rhaglen wedi’i datblygu yma yn Esgobaeth Bangor ac mae bellach wedi’i chyflwyno’n llwyddiannus mewn tair Ardal Weinidogaeth. Mae eisoes yn gwneud gwahaniaeth gwirioneddol. Dros wyth sesiwn wythnosol, byddwn yn ystyried gyda’n gilydd: Sut gallwn adlewyrchu curiad calon bywiog Duw yng nghanol ein cymunedau, hyd yn oed mewn cyfnod o ddirywiad ac ansicrwydd?

Dywedodd Kathryn Evans, Arweinydd Ardal Weinidogaeth Bro Cybi, “Mae wedi rhoi iaith gyffredin inni ar gyfer ein cyfarfodydd CAW, gan bwysleisio’n arbennig ein gwerthoedd craidd, sef yr hyn sy’n dod â ni ynghyd ac sy’n llawer mwy na’r hyn sy’n ein gwahanu.”

Yn aml, mae agendâu ein cyfarfodydd CAW yn llawn materion y mae angen eu trafod, ac mae’n rhaid inni wneud penderfyniadau anodd gyda’n gilydd. Efallai ein bod yn cynrychioli cynulleidfaoedd a chymunedau gwahanol iawn, ond rydym hefyd wedi’n galw i fyw gyda’n gilydd fel Ardal Weinidogaeth. Un o’r negeseuon cliriaf gan y rhai sydd wedi cymryd rhan yw bod angen i bobl ddod yn gyd-ddisgyblion cyn iddynt wneud penderfyniadau gyda’i gilydd.

Mae Curiad Calon yn cynnig lle i wneud hynny: i weddïo, addoli, darllen yr Ysgrythur, gwrando ar ein gilydd a myfyrio gyda’n gilydd. Mae wedi’i gynllunio i fod yn ddiddorol ac yn bleserus, gyda digon o gyfleoedd i ryngweithio, a gellir ei gyflwyno’n ddwyieithog.

Bydd y Parchg Eryl Parry yn cynnal cyfarfod byr ar Zoom, ynghyd â rhai sydd eisoes wedi cymryd rhan, i unrhyw un a hoffai glywed rhagor am y rhaglen a’r hyn y gall ei gynnig.

• Dydd Gwener 23 Hydref, 11am–12pm
• I gofrestru a chael dolen Zoom, anfonwch e-bost at erylparry@cinw.org.uk gyda ‘Curiad Calon’ fel y teitl.