Darllenydd

Oddi mewn i’r weinidogaeth a ymddiriedwyd gan Grist i’w Eglwys, gelwir Darllenwyr gan Dduw i fod yn enghreifftiau o gludwyr a dehonglwyr y Gair. Bydd hyn yn golygu arwain addoliad cyhoeddus, pregethu a dysgu’r Gair. Galwad yw i ddarllen a dehongli stori Duw a chenhadaeth Duw i’r byd drwy’r Beibl a thrwy hanes, a thrachefn i ddarllen a dehongli’r byd a’r gymuned y maent yn gweinidogaethu o’u mewn. Yn sgil dirnadaeth a hyfforddiant addas, gall Darllenwyr hefyd arddel gweinidogaeth fel Gweinidog Bugeiliol. Fodd bynnag, gallasai Darllenwyr gyda galwad a’r doniau i arfer trosolwg o’r gwaith bugeiliol mewn cymuned ystyried cynnig eu hunain i’w dirnad ar gyfer y rôl ehangach o Ddiacon. Bydd y rhai a elwir i weinidogaethu fel Darllenwyr yn gallu darparu tystiolaeth o ddoniau ar gyfer y gwaith hwn, megis awydd cryf i ymestyn allan â chariad Duw, a hyfdra a sensitifrwydd priodol wrth gyhoeddi’r Efengyl, dawn arbennig am addoli, pregethu ac addysgu, y gallu i ennyn parch pobl eraill, ac ymwybyddiaeth gadarn o draddodiadau ac arferion yr Eglwys.