Gweithiau corawl newydd i nodi 800 mlynedd Sant Ffransis
Bydd cyfansoddwr y gerddoriaeth ar gyfer y ffilm Tanau’r Lloer, sydd wedi’i henwebu am wobr BAFTA Cymru, yn cyflwyno gwaith corawl newydd am y tro cyntaf yng Nghadeirlan Bangor yn ystod penwythnos sy’n nodi 800 mlynedd ers marwolaeth Sant Ffransis o Assisi.
Caiff Mab a’n Rhodded gan y cyfansoddwr o Ynys Môn, Gareth Glyn, ei berfformio am y tro cyntaf yn ystod gwasanaeth Transitus arbennig yn y Gadeirlan am 5pm ddydd Sadwrn 3 Hydref 2026. Caiff Nunc Dimittis newydd gan Ellen Davies, sydd hefyd yn gyfansoddwraig o Ynys Môn, ei berfformio am y tro cyntaf. Côr Kana fydd yn perfformio’r ddau waith, gyda’r sielydd Dr Anastasia Zaponidou.
Gareth a gyfansoddodd y gerddoriaeth ar gyfer y ffilm opera Gymraeg Tanau’r Lloer (Fires of the Moon), a ddarlledwyd ar Channel 4 ym mis Mawrth. Mae’r ffilm, sy’n cynnwys yr hyn a ddisgrifiwyd gan Channel 4 fel “cerddoriaeth drawiadol o hardd”, wedi’i henwebu am wobr BAFTA Cymru 2026 yn y categori Ffilm Nodwedd/Ffilm Deledu.
Bydd rhaglen dydd Sadwrn yn dechrau gyda Diwrnod Tawel dan arweiniad y Brawd John SSF ac yn gorffen gyda gwasanaeth y Transitus yng Nghadeirlan Bangor.
Mae’r Transitus yn wasanaeth Ffransisgaidd traddodiadol sy’n cofio oriau olaf Sant Ffransis a’i ymadawiad i fywyd tragwyddol. Adroddir y stori drwy’r Ysgrythur, gweddi, cerddoriaeth ac adrodd straeon.
Mae croeso i bawb i’r gwasanaeth a chaiff ei ffrydio’n fyw ar sianel YouTube Cadeirlan Bangor.
Bydd y digwyddiadau’n parhau ar Ynys Môn ddydd Sul 4 Hydref gyda phererindod ar thema Ffransisgaidd o Lan-faes i Fiwmares. Bydd y daith dywys yn dechrau am 9.30am ac yn gorffen yn Eglwys y Santes Fair a Sant Nicolas, Biwmares, am 11am.
Ar hyd y ffordd, bydd y rhai sy’n cymryd rhan yn dysgu am gysylltiadau hanesyddol a chyfoes yr ardal â Sant Ffransis. Mae’r rhain yn cynnwys safle’r fynachlog Ffransisgaidd ganoloesol yn Llan-faes a’r stori y tu ôl i Mab a’n Rhodded.
Daw’r penwythnos i ben gydag Ewcharist ar thema Sant Ffransis yn Eglwys y Santes Fair a Sant Nicolas am 11am.
Mynach a phregethwr o’r drydedd ganrif ar ddeg oedd Sant Ffransis. Ysbrydolodd ei fywyd o symlrwydd, gweddi a gwasanaeth y mudiad Ffransisgaidd ledled y byd. Fe’i cofir am ei ofal dros bobl sy’n byw mewn tlodi, ei waith dros heddwch a’i gred y dylai Cristnogion drin yr holl greadigaeth â thosturi.
Dywedodd y trefnydd, Wendy Davies: “Dim ond fel cerflun mewn gardd, wedi’i amgylchynu gan adar ac anifeiliaid, y mae llawer o bobl yn adnabod Sant Ffransis. Ond roedd yn berson go iawn ac mae ei fywyd yn dal i’n herio i ymddwyn â gostyngeiddrwydd, cariad a llawenydd, ac i ofalu am ein gilydd a’r holl greadigaeth.
“Mae’r ffordd Ffransisgaidd yn ymwneud â byw’r Efengyl drwy weddi a gweithredu, gan ddefnyddio’r doniau y mae Duw wedi’u rhoi i ni i wasanaethu eraill a gweithio dros heddwch. Gobeithiwn y bydd y penwythnos hwn yn helpu cenhedlaeth newydd i ddod i adnabod Ffransis ac i gael ei hysbrydoli gan ei esiampl.”
Mae Wendy yn aelod o Drydedd Urdd Cymdeithas Sant Ffransis (TSSF). Mae’r Drydedd Urdd yn rhan o’r teulu Ffransisgaidd Anglicanaidd ac mae’n cynnwys pobl leyg ac ordeiniedig sy’n dilyn egwyddorion Ffransisgaidd wrth barhau â’u bywydau, eu gwaith a’u gweinidogaeth bob dydd.
Gellir archebu lleoedd ar gyfer digwyddiadau’r penwythnos drwy Eventbrite.
New choral works mark 800th anniversary of St Francis
The composer of the score for BAFTA Cymru-nominated film Tanau’r Lloer will première a new choral work at Bangor Cathedral during a weekend marking 800 years since the death of St Francis of Assisi.
Anglesey composer Gareth Glyn’s Mab a’n Rhodded will receive its première during a special Transitus service at the Cathedral at 5pm on Saturday 3 October 2026. A new Nunc Dimittis by fellow Anglesey composer Ellen Davies will also be premièred. Both works will be performed by Kana Choir with cellist Dr Anastasia Zaponidou.
Gareth composed the score for the Welsh-language opera film Tanau’r Lloer (Fires of the Moon), which was broadcast on Channel 4 in March. The film, which features what Channel 4 described as a “hauntingly beautiful score”, has been nominated for a 2026 BAFTA Cymru award in the Feature/Television Film category.
The Saturday programme begins with a Quiet Day led by Br John SSF and culminates in the Transitus service at Bangor Cathedral.
The Transitus is a traditional Franciscan service recalling the final hours of St Francis and his passing into eternal life. The story is told through scripture, prayer, music and storytelling.
The service is open to everyone and will be livestreamed on the Bangor Cathedral YouTube channel.
Events continue on Anglesey on Sunday 4 October with a Franciscan-themed pilgrimage from Llanfaes to Beaumaris. The guided walk begins at 9.30am and finishes at St Mary and St Nicholas Church, Beaumaris, at 11am.
Along the way, participants will explore the area’s historic and contemporary connections with St Francis. These include the site of the medieval Franciscan friary at Llanfaes and the story behind Mab a’n Rhodded.
The weekend will conclude with a Francis-themed Eucharist at St Mary and St Nicholas Church at 11am.
St Francis was a 13th-century friar and preacher whose life of simplicity, prayer and service inspired the worldwide Franciscan movement. He is remembered for his care for people living in poverty, his work for peace and his belief that Christians should treat the whole of creation with compassion.
Organiser Wendy Davies says, “Many people know St Francis only as a statue in a garden, surrounded by birds and animals. But he was a real person whose life still challenges us to act with humility, love and joy, and to care for one another and the whole of creation.
“The Franciscan way is about living out the Gospel through prayer and action, using our own God-given gifts to serve others and work for peace. We hope this weekend will help a new generation discover Francis and be inspired by his example.”
Wendy is a member of the Third Order of the Society of St Francis (TSSF). The Third Order is part of the Anglican Franciscan family and includes lay and ordained people who follow Franciscan principles while continuing their everyday lives, work and ministry.
Places for the weekend’s events can be booked through Eventbrite.
Picture: Philip Fruytiers, St. Francis of Assisi, oil on canvas, 259.5 x 169.3 cm, Royal Museum of Fine Arts Antwerp, Wikipedia