Cyflog: £50,000–£55,000
Oriau: 35 awr yr wythnos
Contract: Parhaol
Lleoliad: Tŷ Deiniol, Bangor, gyda threfniadau gweithio hyblyg a theithio’n rheolaidd ledled yr Esgobaeth ac yn dalaithol yn achlysurol
Dyddiad cau: Hanner dydd, 18 Awst 2026
Cyfweliadau: 4 Medi 2026

Mae Esgobaeth Bangor yn chwilio am weithiwr cyllid proffesiynol, profiadol a chymwysedig i fod yn Bennaeth Cyllid newydd arni.

Mae Esgobaeth Bangor yn gwasanaethu cymunedau ledled Gogledd-orllewin a Chanolbarth Cymru. Drwy Dîm Deiniol, mae’r Esgobaeth yn darparu cymorth ym meysydd cyllid, llywodraethu, diogelu, eiddo, gweinyddu a gweithrediadau i Ardaloedd Gweinidogaeth, clerigion, ymddiriedolwyr a gweithgareddau esgobaethol.

Fel uwch arweinydd proffesiynol yr Esgobaeth ym maes rheolaeth ariannol, bydd y Pennaeth Cyllid yn gweithio’n agos gydag Ysgrifennydd yr Esgobaeth, yr Esgob a’r ymddiriedolwyr. Bydd yr ymgeisydd llwyddiannus yn darparu arweinyddiaeth ariannol strategol, yn cryfhau cynllunio a rheolaethau ariannol, ac yn helpu i sicrhau cynaliadwyedd ariannol hirdymor yr Esgobaeth.

Mae’r swydd yn cynnwys:

• Arwain yr adran gyllid a datblygu’r tîm cyllid
• Cynghori’r ymddiriedolwyr ac uwch arweinwyr ar strategaeth ariannol, perfformiad, risgiau ac opsiynau
• Arwain y gwaith o gyllidebu’n flynyddol, cynllunio ariannol tair blynedd, rhagweld a modelu senarios
• Goruchwylio cyfrifon rheoli, adrodd statudol, archwilio a chydymffurfiaeth reoleiddiol
• Darparu goruchwyliaeth strategol dros gronfeydd wrth gefn, llif arian, buddsoddiadau a rheolaeth y trysorlys
• Cryfhau systemau, rheolaethau a threfniadau llywodraethu ariannol
• Cynorthwyo Ardaloedd Gweinidogaeth i ddatblygu arferion ariannol cadarn a chynaliadwy
• Goruchwylio’r gwasanaethau ariannol a ddarperir i elusennau, ymddiriedolaethau, byrddau a chronfeydd eraill a gefnogir gan Dîm Deiniol

Mae’r Esgobaeth yn cychwyn ar gyfnod newydd pwysig, gan adeiladu ar adolygiad llywodraethu diweddar a’r newidiadau cadarnhaol sydd eisoes ar waith. Mae cyfrifoldebau cliriach, goruchwyliaeth gryfach ac ymrwymiad ar y cyd i atebolrwydd yn gosod sylfeini cadarn ar gyfer y dyfodol.

Mae hwn yn gyfle rhagorol i ymuno â’r Esgobaeth ar adeg allweddol ac i helpu i lunio ei harweinyddiaeth ariannol, ei llywodraethu a’i chynaliadwyedd hirdymor, gan sicrhau bod ei hadnoddau’n cael eu defnyddio’n effeithiol i gefnogi cenhadaeth a gweinidogaeth ledled yr Esgobaeth.

Rhaid i ymgeiswyr feddu ar gymhwyster cyfrifyddu a gydnabyddir gan CCAB, megis ACA, ACCA neu CIPFA, a phrofiad sylweddol ers ennill y cymhwyster mewn swydd gyllid uwch. Bydd angen iddynt ddangos galluoedd strategol, technegol ac arwain cadarn, ynghyd â’r gallu i egluro materion ariannol cymhleth yn glir i ystod eang o gynulleidfaoedd.

Mae rhuglder yn y Gymraeg a’r Saesneg yn hanfodol.

Rydym yn cynnig 28 diwrnod o wyliau blynyddol yn ychwanegol at wyliau banc, a chynllun pensiwn cyfraniadau diffiniedig gyda chyfraniad cyflogwr o 10%.

Sut i wneud cais

Cwblhewch y ffurflen gais a’i dychwelyd drwy e-bost at Joanna Thomas yn joannathomas@cinw.org.uk erbyn hanner dydd, 18 Awst 2026.

Mae’r disgrifiad swydd a’r fanyleb person lawn ar gael.I gael sgwrs anffurfiol a chyfrinachol am y swydd, cysylltwch â Joanna Thomas:

• E-bost: joannathomas@cinw.org.uk
• Ffôn: 07951 852255

Cynhelir y cyfweliadau yn Nhŷ Deiniol, Bangor, ar 4 Medi 2026.

Disgrifiad Swydd