Yasmin De Rosa
Prentis | Apprentice

A allwch rannu trosolwg o’r hyn rydych wedi bod yn ei wneud hyd yma?

Fel y gallwch ddychmygu, gall bywyd mewn Cadeirlan fod yn hynod brysur gyda llawer o wasanaethau, grŵp babanod a phlant bach ffyniannus, digwyddiadau 'lleoedd cynnes', ymweliadau ysgolion, cyngherddau a llawer mwy. Mae bod yn bresennol ar gyfer amrywiaeth o ddigwyddiadau fel hyn wedi rhoi cyfle i mi gyflawni llawer o dasgau, megis cynnal digwyddiadau, agor/cau’r adeilad, darllen yn gyhoeddus, gwasanaethu a dosbarthu’r cymun yn ystod gwasanaethau Eucaristaidd, arwain gweddi boreol, paratoi pregethau ac ysgrifennu gweddïau.

Cefais gyfle i ysgrifennu gweddïau nid yn unig ar gyfer gwasanaethau’r Gadeirlan ond hefyd fel Cyd-Gaplan i Faer Cyngor y Ddinas. Bu hefyd yn fraint cael mynd gyda Caplan Y Brifysgol wrth groesawu myfyrwyr newydd a’r rhai sy’n dychwelyd.

Yn ogystal bu i mi deithio ar ddwy ran o lwybr pererindod Gogledd Cymru ochr yn ochr a Offeiriad Arloesol a roddodd fewnwelediad i fath gwahanol o weinidogaeth, un nad wyf yn arfer ei weld.

Drwy gydol fy nhaith, rwyf wedi cael fy annog gan gydweithwyr ac aelodau’r gynulleidfa i wella fy sgiliau yn yr iaith Gymraeg, ac ers hynny rwyf wedi magu hyder ac wedi bod yn hyrwyddo’n weithredol ei defnydd o fewn yr Eglwys yng Nghymru.

Mae lleoliadau gwaith wedi cynnwys profiad o fywyd mewn cymuned eglwys plwyf ac wedi dangos i mi sut mae gwasanaethau’n amrywio, gyda perthnasau ystyrlon yn cael eu hadeiladu drwy weddi, sgyrsiau a gofal bugeiliol cyffredinol.

Sut mae eich dealltwriaeth o’r Ysgrythur wedi datblygu ers i chi ddechrau eich prentisiaeth?

Rwyf yn ymddiddori yn y Beibl yn enwedig felly sut y gellir dehongli'r ysgrythurau mewn ffyrdd amrywiol. Fel rhan o’m prentisiaeth, rydym yn astudio tuag at gymhwyster Lefel 4 mewn cwrs Theoleg ar gyfer Bywyd. Yn ystod y cyfnod hwn, rwyf wedi dysgu sut y gellir dehongli y Beibl o safbwyntiau gwahanol, gan ganiatáu i mi astudio’r ysgrythur nid yn unig yn ysbrydol ond hefyd gyda dull theolegol a beirniadol. Mae hyn yn rhoi dealltwriaeth o sut mae'n siarad â’r gynulleidfa wreiddiol yn ogystal a gyda ni heddiw, wrth hefyd ennill gwybodaeth ddyfnach o’r Beibl, gan gynyddu fy ffydd a’m taith bersonol.

Pa fath o fentora neu arweiniad ydych yn ei dderbyn yn ystod eich prentisiaeth?

Yn ystod fy mhrentisiaeth gweinidogaeth, cefais fy annog i dderbyn mentora cyson yn enwedig mewn datblygiad gweinidogaethol. Mae fy mentor wedi chwarae rôl allweddol yn fy helpu i dyfu mewn hyder, yn barhaus yn darparu cyfleoedd i mi alluogi fy hun a gwthio fy ffiniau fy hun, gan fy annog i archwilio cyfrifoldebau newydd fel gofal bugeiliol, pregethu, arwain gwasanaethau ac ysgrifennu gweddïau. Drwy gyfarfodydd un-i-un rheolaidd, rydym yn adlewyrchu’n gyson ar brofiadau gweinidogaeth, gan archwilio meysydd ar gyfer twf ac astudio. Mae’n bwysig cael presenoldeb sefydlog o ddoethineb a chefnogaeth gan wahanol offeiriaid, mae wedi bod wedi bod yn rhan hanfodol o’m prentisiaeth.

Mae fy mentor wedi chwarae rôl allweddol yn fy helpu i dyfu mewn hyder

Mae’r staff yn Athrofa Padarn Sant hefyd wedi darparu mewnbwn a chefnogaeth werthfawr , gan gynnig mewnwelediad theolegol a chynhyrchion ymarferol i gynorthwyo gyda’m dysgu. Mae cefnogaeth hefyd ar gael trwy Goleg Sir Gâr sy’n goruchwylio’r brentisiaeth, felly mae llawer o opsiynau i geisio cefnogaeth.

Beth oedd yr agwedd fwyaf heriol o fod yn brentis gweinidog?

Tu allan i’m lleoliad gwaith, rwyff wedi bod yn ffodus iawn i gael fy amgylchynu gan rwydwaith cryf o ffrindiau a theulu sy’n fy nghefnogi bob cam o’r ffordd. Mae ceisio cyd-bwyso gweinidogaeth gyda bywyd teuluol, yn enwedig gyda phlant ifanc, yn her ond mae cael pobl o’m cwmpas sy’n deall, yn annog ac yn fy nghefnogi wedi gwneud gwahaniaeth mawr.

Mae’r pwysigrwydd o neilltuo amser ar gyfer astudio hefyd yn hynod bwysig ac mae rheoli amser wedi bod yn hanfodol i allu cwblhau’r prentisiaeth.