Mae’r ffordd rydym yn ei fyw nid yn unig yn effeithio ar ein harian, ac nad yw’n cael ei benderfynu gan ein harian, ond mae ganddo hefyd effaith ar yr hinsawdd. Mae ceisio newid agweddau o’n ffordd o fyw yn gallu teimlo’n frawychus ac efallai’n rhy ddrud pan mae prisiau popeth rydym yn ei brynu’n codi’n uwch ac yn uwch. Eto, mae hyd yn oed camau bychain yn gallu gwneud gwahaniaeth i leihau ein hôl troed carbon.

Darlleniad o’r Beibl: Luc 12:16-23

Ac adroddodd Iesu ddameg wrth ei ddisgyblion: ‘yr oedd tir rhyw ŵr cyfoethog wedi dwyn cnwd da. A dechreuodd feddwl a dweud wrtho’i hun, “Beth a wnaf fi, oherwydd nid oes gennyf unman i gasglu fy nghydau iddo? ”Ac meddai ‘Dyma beth a wnaf fi: Tynnaf f’ysguboriau i lawr ac adeiladu rhai mwy, a chasglaf yno fy holl ŷd a’m heiddo. Yna dywedaf wrthyf fy hun, "Ddyn, y mae gennyt stôr o lawer o bethau ar gyfer blynyddoedd lawer; gorffwys, bwyta, ŷf, bydd lawen."Ond meddai Duw wrtho, “Yr ynfytyn! Heno y mynnir dy einioes yn ôl gennyt, a phwy gaiff y pethau a baratoist?”Felly y bydd hi ar yr hwn sy’n casglu trysor iddo'i hun a heb fod yn gyfoethog ym mhethau Duw."

Meddai Iesu wrth ei ddisgyblion, ‘Am hynny rwy’n dweud wrthych, peidiwch â phryderu am eich einioes nac am eich corff, beth i’w fwyta na beth i’w wisgo. Onid oes rhagor i einioes dyn na lluniaeth, a rhagor i'w gorff na dillad?’

Myfyrdod

I ddatgan yr amlwg, nid oedd newid hinsawdd yn wybyddus adeg y Beibl! Eto, mae yna lawer y gallwn ei ddysgu o’r Beibl wrth i ni geisio byw mewn ffordd a fydd o gymorth i gynnal y byd ar gyfer y cenedlaethau i ddod.

Yn y darlleniad o efengyl Luc, mae Iesu’n adrodd yn gyntaf dameg y dyn cyfoethog sy’n storio cymaint o gnydau nes bod angen ysgubor mwy o faint. Ond mae yna atgof miniog, nad ydynt yn gallu mynd gydag ef i’w farwolaeth ac y gofynnir iddo am gyfrif o’i fywyd gan Dduw. Nesaf, mae Iesu’n dweud wrth ei ddisgyblion i beidio â phryderu, gan fod mwy i fywyd na bwyd a dillad; er bod angen y ddau arnom.

Beth yw eich meddyliau chi am y darlleniad yma o’r Beibl mewn perthynas â ffordd o fyw a sut rydym i fyw?

Yn nyddiau cynnar yr eglwys roedd popeth a oedd gan bobl yn cael ei rannu fel nad oedd neb yn llwgu neu mewn angen dillad neu loches. Dros y canrifoedd mae llawer wedi ceisio, ac yn dal i geisio, byw bywyd syml yn hytrach na chasglu mwy a mwy o eiddo.

Mae gan bob un ohonom eiddo, a chydag ef atgof neu hanes rhywun rydym wedi'i adnabod neu'n adnabod, eitemau sy'n sôn am adegau a digwyddiadau arbennig yn ein bywydau; eiddo sy'n amhrisiadwy i ni, ond nid o angenrheidrwydd i unrhyw un arall. Nid yw pentyrru cyfoeth yn beth drwg ynddo ei hun, cyhyd â nad hynny yw holl ganolbwynt a nod eich bywyd. Os byddwn yn ceisio dilyn Duw, rydym yn cael ein galw i ofalu am ein cymydog, ac wrth i ni edrych ar newid hinsawdd, mae’n cymydog yw gweddill y byd; yr holl bobl, yr amgylchedd a’r aer rydym yn ei anadlu.

Sut fyddech chi’n disgrifio’ch ffordd o fyw ar hyn o bryd?

Beth fyddai byw’n symlach yn ei olygu i chi?

Un awgrym ynghylch sut i fyw’n symlach gan ymchwilwyr, Cronfa Bywyd Gwyllt y Byd a’r ymgyrch Jump yw cael gwared â llanast; a gorau po fwyaf sy’n gallu cael ei ailgylchu neu’i ail ddefnyddio er mwyn lleihau faint sy’n mynd i dirlenwi. Nid yw hyn, wrth gwrs, yn golygu clirio popeth allan ac wedyn mynd i brynu rhagor o ‘bethau’ i lenwi’r bylchau!

Ymddengys mai tua saith mlynedd yw oes eitemau trydan ond yr awgrym yw eu cadw am o leiaf 7 mlynedd, neu’n hirach os ydyn nhw’n dal i weithio, yn hytrach na diweddaru gyda’r modelau newydd pob ychydig o flynyddoedd. A ellir trwsio dillad? Mae ymgyrch Jump a’u chwe newid i achub y ddaear, yn cynnwys prynu dim ond tair eitem newydd o ddillad y flwyddyn; ac os oes angen rhagor, eu prynu o siopau ail law.

Ffordd o fyw arall, os gellir ei fforddio, fyddai newid i gar trydan, neu geisio gyrru llai a gyrru ar gyflymder is ar briffyrdd er mwyn arbed y defnydd o danwydd. Mae ymchwilwyr hefyd wedi awgrymu labeli eitemau gydag effaith carbon mewn ffordd debyg i'r ffordd mae bwydydd yn dweud wrthym am werth maeth y cynnych rydym yn ei brynu. Sut fyddai hynny’n newid y ffordd rydym yn siopa?Neu a fyddai?

Erbyn 2050, y nod yw cyrraedd sero net ar ein hôl troed carbon. Er mwyn i hyn ddigwydd, mae cymaint angen cymryd lle, ond rydym i gyd angen newid y ffordd rydym yn byw.

Oes unrhyw newidiadau i’ch ffordd o fyw rydych yn teimlo y gallwch chi eu gwneud?

Waeth pa mor fach yw’r newidiadau byddent yn gwneud gwahaniaeth, i’n bywydau, i fywydau ar draws y byd ac i’r bywydau sydd eto i'w byw.

Gweddi

Dduw’r holl greadigaeth,
anadlais dy Ysbryd
i mewn i’r byd a’r holl bobl.
Trwy dy Ysbryd
dangos i ni'r newidiadau y gallwn eu gwneud
ai’n fawr neu’n fach.
Gyda’th gariad
dangos i ni sut i fyw yn fwy syml,
er budd y greadigaeth.
Yn dy ddoethineb
dangos i ni'r ffordd i siarad allan,
i weithredu ar ein geiriau.
Dduw’r holl greadigaeth,
helpa ni i helpu dy fyd.
Amen.

Ychydig o awgrymiadau

• Edrychwch ar wefan Eco-Eglwys am syniadau ynghylch sut i newid ein ffordd o fyw https://ecochurch.arocha.org.uk/
• Mae gan Gronfa Bywyd Gwyllt y Byd awgrymiadau - Making a lifestyle change | WWF
• Jump a chwe newid i achub y ddaear - https://takethejump.org/
• Oes ffordd o rannu car, efallai i’r archfarchnad, os nad yw cludiant lleol yn bosibilrwydd?
• Cynlluniwch eich prydau am y r wythnos. Prynwch dim ond yr hyn sydd ei angen er mwyn lleihau gwastraff a cheisiwch fwyta llai o gig coch a chynnyrch llaeth. Mae torri llawr arnynt 20% yn gallu gwneud gwahaniaeth.
• Os allwch chi, rhowch fwyd i'r banc bwyd neu bantri bwyd a rhowch ddillad nad ydynt yn cael eu gwisgo bellach i siop elusen.

  ---