Mae Gweinidogaethau Trwyddedig yn weinidogaethau achrededig, cyhoeddus a chynrychioliadol o fewn yr Eglwys yng Nghymru. Gofynnir i bawb sy’n dirnad galwedigaeth i weinidogaeth gyhoeddus a chynrychioliadol ddatgan yn eu bywydau mai disgybl i Grist ydynt. Wrth ddirnad galwedigaeth i weinidogaeth benodol, mae yna hefyd ofynion penodol sy’n ategu galwedigaeth Gristnogol holl bobl Dduw: er enghraifft, os ydych yn synhwyro galwad i fod yn Ddarllenydd, a oes gennych allu arbennig i gyfathrebu, a sut y gall eraill adnabod hynny yn eich byw a’ch bod? Caiff galwedigaeth i’r gweinidogaethau hyn eu dirnad trwy Fyrddau Dirnad lleol a chenedlaethol a’u cadarnhau gan yr Esgob. Caiff ffurfiant a hyfforddiant paratoadol ar gyfer y gweinidogaethau hyn ei oruchwylio gan Athrofa Padarn Sant, gan ddefnyddio llwybrau dysgu sy’n nodi profiad ac addysg flaenorol. Fel arfer, bydd y llwybrau dysgu yn cynnwys cyfleoedd i ymgymryd â dysgu a myfyrio diwinyddol mewn grŵp dysgu, i ymgymryd â phrentisiaeth mewn Ardal Weinidogaeth, i ddatblygu sgiliau gweinidogaethol yn yr ysgol haf a thros dri penwythnos preswyl, ac i berthyn i ‘glostir ffurfiant’ i gefnogi twf yng Nghrist.

Caiff y sawl sydd wedi eu galw a’u derbyn i’r gweinidogaethau hyn eu trwyddedu a’u apwyntio i wasanaethu mewn Ardal Weinidogaeth gan yr Esgob, a chaiff gweinidogaethau eu adolygu a’u adnewyddu o dan oruchwyliaeth yr Esgob.