Yn ei swydd newydd, mae’r Parchg Broadbent yn gobeithio adeiladu ymhellach ar y gwaith da sydd eisioes yn cael ei arwain gan y gynulleidfa leol a’r wardeiniaid. Yn ystod y pandemig, cafodd addoliad dydd Sul yn Eglwys y Groes ei atal, ac ar ôl i’r cyfnod clo ddod i ben symudwyd y gwasanaeth i ddydd Iau. Mae gwasanaethau dydd Sul rheolaidd bellach wedi ailgychwyn, gyda’r cyfarfodydd dydd Iau bellach yn gweithredu fel grŵp astudiaeth Feiblaidd.

Ymhlith ei flaenoriaethau mae hyrwyddo’r ddau wasanaeth yn ehangach a datblygu cyfleoedd newydd ar gyfer addoli a disgyblaeth Gristnogol. Ymhlith y cynlluniau mae lansio gwasanaeth nos i’r rhai na allant fynychu ar ddydd Sul, ailgychwyn gweinidogaeth i blant drwy weithgareddau Llan llansat a’r Ysgol Sul, a chefnogi prosiectau cymunedol ehangach ar y stâd.

Wrth siarad cyn ei drwyddedu, dywedodd. “Rwy’n gyffrous iawn i ddechrau yn Eglwys y Groes ac o fewn cymuned Maesgeirchen. Mae gennyf angerdd dros wneud yr eglwys yn lle hwylus a hygyrch i bob oedran, ac mae’r gynulleidfa yma eisoes mor fywiog a brwdfrydig fel ei bod yn teimlo’n le addas iawn i mi.

“Rwyf am fod yn offeiriad sy’n cael ei arwain gan wasanaeth, gan ddiwallu anghenion y gymuned mewn eglwys fywiog a llawn cariad.”

Mae Eglwys y Groes yn rhan o Ardal Weinidogaeth Bro Deiniol, sy’n cynnwys Eglwys Gadeiriol Bangor.

Dywedodd y Tra Pharchg Dr Manon Ceridwen James, Deon Cadeirlan Bangor ac Arweinydd Ardal Weinidogaeth Bro Deiniol:
“Rydym yn falch iawn o groesawu’r Parchg Andy Broadbent i Eglwys y Groes a chymuned Maesgeirchen. Mae Andy yn dod â egni, creadigrwydd ac ymrwymiad dwfn i wasanaethu pobl o bob oed. Rydym yn gwybod y bydd yn gyfoeth mawr i’r plwyf ac y bydd yn adeiladu ar y sylfeini cadarn sydd eisoes ar waith.”

Bydd trwyddedu’r Parchg Andy yn cael ei gynnal am ddydd Sul 19 Hydref,11yb yn Eglwys y Groes. Croeso cynnes i bawb i fynychu.