Dywed y Parchedig Catherine, “Rwy’n falch iawn o ymuno ag Ardal Weinidogaeth Bro Padrig wrth i ni archwilio gyda’n gilydd yr hyn y mae Duw eisoes yn ei wneud yn y gymuned hon a lle mae’r Ysbryd yn ein harwain. Rwy’n arbennig o gyffrous am y cyfleoedd ar gyfer addoli yn yr awyr agored, gan dynnu ar ryfeddod arfordir a chefn gwlad Môn. Rwy’n edrych ymlaen at wasanaethu ochr yn ochr â’r bobl leol a dysgu Cymraeg fel y gallaf gyfranogi’n llawn yn ein haddoli dwyieithog.”

Dywed Archddiacon Môn, John Harvey: “Rydym yn edrych ymlaen at groesawu Catherine i’n plith i arwain y cam nesaf o fywyd ein Hardal Weinidogaeth a gweithio’n agos gyda’r Parchedig Glenys Samson.”

Dywed Esgob Enlli, David Morris: “Mae Catherine yn dod â chyfoeth o roddion i’n hesgobaeth, ac rydym yn falch iawn o’i chroesawu i Fôn ac i’r esgobaeth. Mae’n ymuno â thîm ymroddedig o offeiriaid ar draws yr ynys y mae eu gweinidogaeth o rannu’r Efengyl a chroesawu ymwelwyr a phererinion yn cael ei gwerthfawrogi’n fawr. Rydym yn edrych ymlaen at ei phresenoldeb a’i gweinidogaeth yn ein plith.”

Bydd Catherine yn symud ym mis Chwefror, a bydd dyddiad trwyddedu yn cael ei gyhoeddi’n nes at yr amser. Gofynnwn i chi weddïo dros Catherine yn ystod y cyfnod hwn, a hefyd dros bobl ac eglwysi Gweinidogaeth Tîm Torridge lle mae Catherine yn gwasanaethu ar hyn o bryd.