At Urdd Ddiacon

Bydd Glenys Samson, Andrew Broadbent a Josie Godfrey yn cael eu hordeinio i urdd Ddiacon.

Dros yr wythnosau nesaf byddwn yn sgwrsio gyda phob un o’r rhai fydd yn cael eu hordeinio ac yn rhannu eu hanesion yn Y Ddolen ac fel erthyglau newyddion.

Bydd Glenys Samson yn gwasanaethu ei churadiaeth ym Mro Cybi

Bydd Andrew Broadbent yn gwasanaethu ei guradiaeth ym Mro Dwylan

Bydd Josie Godfrey yn gwasanaethu ei churadiaeth ym Mro Deiniol

Edrychwn ymlaen at groesawu Josie i Fro Deiniol ac i’r Esgobaeth.

Wrth edrych ymlaen at ymuno â’r Esgobaeth dywedodd Josie:

Rwy’n gyffrous iawn i fod yn ymuno ag Ardal Weinidogaeth Bro Deiniol fel Curad Cynorthwyol.

Cefais fy magu ger High Wycombe, ac yna symudais i Lundain i astudio Cerddoriaeth yn King’s College London. Wrth archwilio galwad i ordeiniad, bûm yn gweithio fel cynorthwyydd bugeiliol yn Christ Church, Isle of Dogs yn Nwyrain Llundain, ac yna symudais i Rydychen i ddechrau hyfforddi yn St Stephen’s House. Yn fy amser hamdden rwy'n mwynhau canu clychau, cerdded, a cherddoriaeth - yn enwedig theatr gerdd.

Dw i’n nerfus ac yn gyffrous am ddysgu Cymraeg; mae fy nheulu yn wreiddiol o Abertawe ond, er fy mod wedi treulio llawer o wyliau yno, nid wyf erioed wedi byw yng Nghymru fy hun, felly rwy’n edrych ymlaen at ddychwelyd i ‘wlad fy nhadau’!