Dros Ŵyl Bedr eleni yng Nghadeirlan Deiniol Sant ym Mangor, cafodd Helen Franklin a Selwyn Griffith eu hordeinio yn Offeiriad

Fe’u gelwir i gydweithio â'u Esgob a'u cyd-offeiriaid a hall bobl Dduw fel gweision a bugeiliaid.

Dyna’u tasg ar y cyd – ond mae gan bob un hefyd eu straeon personol eu hunain am alwad Duw ar eu bywydau.

Wrth siarad am ei flwyddyn fel Diacon, dywedodd Selwyn:

Rwyf wedi cael y fraint o weithio mewn dwy Ardal Weinidogaeth ers cael fy ordeinio yn ddiacon, yn gyntaf ym Mro Gwydyr ac yn awr yn Beuno Sant Uwch Gwyrfai. Mae fy arweirnwyr hyfforddi y Parchg Stuart Elliot a'r Parchg Ddr Rosie Dymond wedi bod yn hynod gefnogol ac wedi rhoi llawer iawn o brofiadau o waith plwyf dydd i ddydd amrywiol iawn i mi.

Er bod y ddau ardal yn debyg iawn mewn llawer o ffyrdd, mae yna gryn ddipyn o wahaniaethau hefyd ac mae’r rhain wedi fy helpu i ddatblygu fy hun fel person yn aruthrol, mae ochr bugeiliol y gwaith wedi bod yn rhoi boddhad mawr i mi sef rhan bwysig Iwan rwy’n credu o’r gwaith ac rwyf hefyd wedi dysgu llawer gan y bobl yn y gwahanol gymunedau hefyd.

Dros y flwyddyn ddiwethaf rwyf wedi dysgu a datblygu amrywiol o sgiliau a gwybodaeth am Dduw a bywyd yr Eglwys, ac rwy’n edrych ymlaen yn fawr at fy ngham nesaf yn y weinidogaeth fel y gallaf ddyfnhau fy ngwybodaeth o Dduw ymhellach a rhannu hyn gyda phobl eraill yn y ardal y byddaf yn gweithio ynddo yn y dyfodol.

Mae llawer o waith i’w wneud yn yr esgobaeth gan nad yw gwaith Duw byth yn mynd yn llonydd, a bydd y tri prif egwyddor penodol yr esgobaeth yn rhan bwysig a hanfodol iawn o’m gweinidogaeth yn y dyfodol wrth inni rannu’r newyddion da a chariad Duw â’r pobl eraill trwy addoli Duw, tyfu'r eglwys a charu'r byd.

Gallwch ddarllen taith Selwyn i'r weinidogaeth ordeiniedig trwy glicio ar y botwm isod.