Mae ordeinio yn foment arwyddocaol ym mywyd yr Eglwys, gan nodi ymrwymiad cyhoeddus i weinidogaeth ordeiniedig a gwasanaeth.

Bydd teulu, ffrindiau, clerigwyr ac aelodau o’r ardaloedd gweinidogaeth lleol yn ymgynnull yn y Gadeirlan ar gyfer y gwasanaeth, ac mae croeso i bawb ddod i’r achlysur llawen hwn ym mywyd yr Esgobaeth.

Cyn cael eu hordeinio, bydd Naomi a Karen yn cymryd rhan mewn encil cyn-ordeinio dan arweiniad y Parchg Nia Williams yng Nghanolfan Loreto, Llandudno. Bydd yr encil yn cynnig amser ar gyfer gweddi, myfyrio a pharatoad ysbrydol cyn y gwasanaeth.

Dywedodd y Parchg Alex Mayes, Cyfarwyddwr Gweinidogaeth Esgobaeth Bangor: “Rydym wrth ein bodd dros Naomi a Karen wrth iddynt baratoi ar gyfer y cam pwysig nesaf hwn yn eu gweinidogaeth. Mae wedi bod yn fraint gweld eu galwedigaeth yn datblygu drwy’r broses ddirnadaeth a ffurfio, ac edrychwn ymlaen at eu cefnogi wrth iddynt ddechrau’r bennod newydd hon.

“Rydym hefyd yn ddiolchgar i’r Parchg Nia Williams am arwain yr encil cyn-ordeinio, sy’n cynnig amser gwerthfawr ar gyfer gweddi, myfyrio a pharatoi cyn ordeinio.

“Cadwch Naomi, Karen a phawb sy’n ymwneud â’r achlysur arbennig hwn yn eich gweddïau.”