Mae Cadeirlan Bangor yn cychwyn ar bennod newydd, gan gryfhau ei strwythurau llywodraethu i gefnogi ei chenhadaeth, ei gweinidogaeth a’i hetifeddiaeth ar gyfer cenedlaethau i ddod.

Rydym yn chwilio am Swyddog Llywodraethu a Gweinyddol trefnus iawn, ymrwymedig ac egnïol i ymuno â’n tîm a chwarae rôl allweddol wrth sicrhau rhagoriaeth, atebolrwydd ac arfer gorau ym mhob agwedd ar lywodraethu’r gadeirlan.

Mae hwn yn gyfle unigryw i gyfrannu at fywyd un o’r mannau sanctaidd hanesyddol pwysicaf yng Nghymru, gan weithio’n agos gyda’r Deon, y Rheolwr Gweithrediadau, a’r Deon a’r Cabidwl.

Y rôl

Fel ein Swyddog Llywodraethu a Gweinyddol, byddwch wrth galon gweithrediadau’r gadeirlan, gan sicrhau bod prosesau llywodraethu yn rhedeg yn esmwyth, yn effeithlon, ac yn unol â chyfraith elusennau, UK GDPR, fframwaith rheoleiddiol yr Eglwys yng Nghymru, ac arfer gorau.

Byddwch yn:

• Cefnogi’r Deon a’r Cabidwl a phwyllgorau’r gadeirlan drwy baratoi agendâu, papurau a chofnodion cywir.
• Cynnal polisïau, rheolau sefydlog, cofrestri risg, a’r holl ddogfennau llywodraethu allweddol.
• Monitro a chefnogi camau gweithredu sy’n deillio o gyfarfodydd.
• Goruchwylio rheoli cofnodion ac archifo.
• Darparu cymorth gweinyddol i dîm arweinyddiaeth y gadeirlan.
• Arwain ar gyfrifoldebau MASO (Swyddog Diogelu’r Ardal Weinidogaeth), gan sicrhau bod hyfforddiant diogelu a gwiriadau DBS yn gyfredol.
• Cyfrannu at agweddau llywodraethu ar brosiectau’r gadeirlan, gan gynnwys mentrau treftadaeth a’r adeiladwaith.

Mae’r rôl hon yn gofyn am lefel uchel o onestrwydd, disgresiwn a sylw i fanylion — ac mae’n cynnig cyfle i wneud cyfraniad ystyrlon mewn amgylchedd sy’n seiliedig ar ffydd.

Sut i wneud cais

Dylid anfon CV a llythyr eglurhaol drwy e-bost at Tomos Dobson, Rheolwr Gweithrediadau, Cadeirlan Bangor:

TomosDobson@churchinwales.org.uk

Pecyn Gais