Cynhelir y Gwasanaeth Ordinasiwn eleni ar ddydd Sadwrn 27ain o Fehefin am 11yb yn Eglwys Gadeiriol Bangor. Rydym yn annog holl aelodau’r teulu esgobaethol i fod yn bresennol i groesawu ein dwy ymgeisydd am urddau newydd, Naomi Wood fel diacon a Karen Morris fel offeiriad. Esgob Barry Morgan fydd yn ordeinio, cyn Esgob Bangor a Llandâf yn ogystal â chyn Archesgob Cymru. Y pregethwraig fydd y Parchedig Nia Catrin Williams.

Gwahoddir clerigion a gweinidogion lleyg i wisgo fel y canlyn – offeiriaid a diaconiaid mewn alb a stôl wen, a gweinidogion lleyg (darllenwyr) mewn cassog, gwenwisg a sgarff, a gweinidogion trwyddedig lleyg eraill y wisg priodol ar gyfer eu swyddogaeth. Bydd yr ymwisgo yn Nhŷ Deiniol ar gyfer POB clerig ac LLM, ac eithrio’r rhai sy’n cymeryd rhan uniongyrchol yn y gwasanaeth.

Rhowch wybod i ni os oes gennych ofynion arbennig neu unrhyw beth a fydd yn eich galluogi i fod yn gyfforddus yn ystod y gwasanaeth a’i fwynhau. Mae toiledau ar ochr chwith yr eglwys gadeiriol wrth edrych tuag at yr allor, a bydd llyfrynnau print bras ar gael. Mae croeso mawr i blant, a bydd gennym weithgareddau penodol ar eu cyfer i’w diddanu.

Bydd rhywfaint o seddi wedi’u neilltuo ar gyfer yr ymgeiswyr a’u teuluoedd; fel arall, bydd digon o seddi ar gael i bawb sy’n dymuno dod.

Dim ond i’r rhai ag anghenion symudedd penodol y bydd parcio ar gael. I archebu lle, cysylltwch â ni’n ar TomosDobson@cinw.org.uk. Mae nifer o feysydd parcio yng nghanol Bangor, o fewn pellter cerdded i’r eglwys gadeiriol. Am ragor o wybodaeth, cysylltwch â ni.

Edrychwn ymlaen i lawenydd yr achlysur ac i’ch croesawu i’r Gadeirlan.

Manon Ceridwen James, Deon / Dean manoncjames@cinw.org.uk

Tomos Dobson, Rheolwr Gweithrediadau / Operations Manager TomosDobson@cinw.org.uk