Tirweddau Cyfnewidiol yw ein cwrs Adfent ar gyfer 2020 yn Esgobaeth Bangor.

Daearyddiaeth Gogledd Cymru yw un o nodweddion amlycaf bywyd yn y rhan hon o’r wlad ac mae’n dylanwadu ar ein penderfyniadau beunyddiol ymron yn ddiarwybod i ni. Boed fynyddoedd mawreddog Eryri ynteu draethau Môn neu Feirionnydd, dyma’r nodweddion sy’n lliwio’n bywydau mewn ffyrdd unigryw.

Mae’n hawdd, fodd bynnag, rhamanteiddio cefn gwlad a thelynegu’n rhwydd am gaeau, gweirgloddiau a phentrefi tawel gyda mwg tanau mawn yn ymgodi’n dyner fel sibrydion o’r simneiau. Prin y byddwn yn gweithio ysbrydolrwydd sy’n gallu dygymod â llifogydd a hunllef cnydau colledig neu fewnlifiad y twristiaid sy’n dod ag incwm mae’n rhaid i ni wrtho ond sydd eto’n amharu ar batrymau hirsefydlog bywyd cefn gwlad. Rydym yn ymhyfrydu yng nghopaon y ddwy Aran ond yn gwirioni llai ar drawiad gweledol yr A55 hollbwysig a’i gwaddol mewn allyriadau carbon a symudedd cymdeithasol sy’n sugno cyflogaeth o’r ardal.

Pa fath o beth yw ysbrydolrwydd ‘byd go iawn’ sy’n talu sylw i ddaearyddiaeth ffisegol a dynol yr ardal hon ac sydd yn ein paratoi i gyfarfod â’r Arglwydd sy’n dod i ‘farnu’r byd’ ac y mae’r ymgnawdoliad yn rhag-gysgodi ei ddibenion eithaf?

Cwrs yw Tirweddau Cyfnewidiol sy’n ceisio mynd i’r afael â materion hollbwysig yn ein bywydau drwy ffenestr ffydd yr Adfent. Mae themâu paratoad yn treiddio drwy bob pennod fel y gallwn oll fod yn barod i gyfarfod yr Un a ddaeth fel plentyn ond sydd eto’n Arglwydd ar bopeth.

Isod, gelir darllen Tirweddau Cyfnewidiol arlein neu lawrlwytho PDF main A4.