Cyfarwyddwr Cyfathrebu Newydd

Croeso i Matt Batten, ein Cyfarwyddwr Cyfathrebu newydd, i'r esgobaeth. Mae gan Matt dros 20 mlynedd o brofiad o weithio ym maes cyfathrebu ac ymgysylltu a chyn hynny bu’n gweithio i Esgobaeth Llandaf mewn rôl debyg. Mae’n cwblhau gradd Meistr mewn Diwinyddiaeth Ddigidol yn Spurgeon’s College Llundain ac mae ar fwrdd golygyddol Practical Theology Hub.

Mae Matt yn ddysgwr Cymraeg ac yn dechrau Cwrs Uwch 2 y mis yma. Edrychwn ymlaen at gefnogi ei daith Gymraeg.

Mae Matt yn awyddus i gefnogi Ardaloedd Gweinidogaeth gyda phopeth o gyfathrebu a gellir cysylltu ag ef yn mattbatten@cinw.org.uk neu ffoniwch 07586 469556.

Swyddog Eiddo Archddiaconiaeth Newydd

Mae’n bleser mawr gennyf gyhoeddi bod Paul Keets wedi’i benodi fel y cyntaf o’n Swyddogion Eiddo Archddiaconiaeth newydd. Swyddogaeth Swyddog Eiddo’r Archddiaconiaeth fydd cynnal adroddiadau’r Archwiliad Pum Mlynedd drwy ddiweddaru adroddiadau Ezra, cynnig cyngor i Ardaloedd Gweinidogaeth ar aildrefnu, cynnal a chadw a chynlluniau atgyweirio, a rheoli’r gwaith o gyflawni prosiectau eiddo allweddol o fewn Ardaloedd Gweinidogaeth.

Bydd ffocws Paul yn y pen draw ar Archddiaconiaeth Bangor, gyda dau swyddog arall, y gobeithiwn eu cael yn eu lle erbyn diwedd y flwyddyn, yn cefnogi’r ddwy archddiaconiaeth arall. Yn y cyfamser, mae Paul eisoes ar waith yn cefnogi eglwysi ac Ardaloedd Gweinidogaeth ar draws yr esgobaeth.

Mae gan Paul ddiploma mewn cadwraeth adeiladau gan y Gymdeithas Bensaernïol ac mae'n aelod llawn o'r Sefydliad Cadwraeth Adeiladau Hanesyddol. Mae Paul yn arbenigo mewn cadwraeth adeiladau ac mae wedi gweithio yn y gorffennol gyda Thîm Adeiladau Hanesyddol a Chadwraeth Cyngor Sir Essex. Mae wedi byw yng Ngogledd Cymru ers 2014.

Cyfarwyddwr Eiddo Newydd

Croeso i Simon Ogdon, sydd wedi dechrau gweithio yn ei rôl newydd fel Cyfarwyddwr Eiddo. Bydd Simon yn gyfrifol am ein prosesau eiddo esgobaethol, gan gynnwys cyfadrannau a gwaith Pwyllgor Ymgynghorol yr Esgobaeth, yn ogystal â recriwtio a rheoli gwaith ein Swyddogion Eiddo Archddiaconiaeth newydd.

Bydd llawer ohonom eisoes yn adnabod Simon fel ein Cyfarwyddwr Eiddo. Mae Simon wedi bod yn Rheolwr Prosiect Cadwraeth a Datblygu ar gyfer yr esgobaeth a’r Gadeirlan ers Ionawr 2022, gan oruchwylio gwaith prosiect Llefa’r Cerrig / Stones Should Out ac yn arbennig y gwaith o dan gynllun Lefelu i Fyny Llywodraeth y DU yng Nghaergybi. Ar yr un pryd mae wedi rheoli gwaith adfer a gwella mawr yn Eglwys Gadeiriol Deiniol Sant mewn cydweithrediad â’r Is-ddeon a’r Cabidwl Gadeiriol.

Cyfrifoldebau Trysorydd Esgobaethol newydd

Wedi iddo ddychwelyd o wyliau yn ddiweddarach y mis hwn, bydd Owain Pritchard yn ymgymryd â chyfrifoldebau newydd fel Trysorydd newydd ein Hesgobaeth. 

Bydd rôl newydd Owain yn ei weld yn gweithio’n agos gydag Archddiaconiaid a Thrysoryddion Ardaloedd Gweinidogaeth ar draws yr esgobaeth, gyda ffocws craff ar gynaliadwyedd ariannol a stiwardiaeth ym mhob un o’n Hardaloedd Gweinidogaeth, yn ogystal ag ar ddyfodol Cronfa Weinidogaeth yr Esgob.

Symud ymlaen

Ar ddiwedd mis Awst cafwyd dau ymadawiad sylweddol oddi wrth Dîm Deiniol. Mae Naomi Wood, a wasanaethodd fel un o’n CYFMEs ac, yn y blynyddoedd diwethaf, fel ein Cyfarwyddwr Cyfathrebu, a Robert Jones, sy’n gwasanaethu fel Cynorthwyydd i’r Esgob ac Ysgrifennydd yr Esgobaeth, ill dau wedi gadael eu swyddi, ar ôl gwneud cyfraniadau enfawr i ein bywyd cyffredin fel esgobaeth. 

Rydym yn ffodus bod y ddau wedi symud ymlaen i baratoi i wasanaethu’r esgobaeth fel diaconiaid ac offeiriaid, a dechrau ar eu rhaglen hyfforddi a ffurfio dan nawdd Athrofa Padarn Sant yr hydref hwn. Daliwch Naomi a Robert yn eich gweddïau ac agorwch y penodau newydd hyn.